Kosovarët, në radhë të gjata në pritje të aplikimit për vizë

Marrja e një vize pune për të punuar në një nga vendet e BE-së, është bërë tashmë ëndrra e çdo kosovari.

Mijëra të rinj duan të largohen nga Kosova, ata po iu drejtohen dyerve të ambasadave dhe qendrave të aplikimit për vizë me shpresën se mund të pajisen, përcjell albinfo.ch.

E përpos mungesës së lëvizjes së lirë në zonën Schengen, tash shtetasit e Kosovës duhet të presin me muaj për të caktuar një termin për aplikim për vizë. Sipas Schengen visa info, kjo po ndodh për shkak të kërkesave të shumta.

Në ambasadat në të cilat ka fluks më të madh të qytetarëve që aplikojnë edhe pritjet janë të gjata, sidomos në atë gjermane.

Blic ka sjellë pamjen e disa qytetarë që në orët e para të mëngjesit duke pritur në një nga qendrat e aplikimit për vizë në kryeqytet.

---