17-vjeçarit i konfiskohet telefoni nga shkolla, prindërit kërcënojnë me padi

Pixabay: Ilustrim

Një 17-vjeçarit në një shkollë në kantonin e Friburgut, shkolla i ka konfiskuar telefonin celular me arsyetimin se dëgjon shumë muzikë dhe po ashtu ka rregullore që e ndalojnë përdorimin e celularëve në shkollë, shkruan 20minuten, përcjell albinfo.ch.

Mësuesi që e pa 17-vjeçarin duke përdorur telefonin ia konfiskoi atë për një javë të tërë. Kjo ka acaruar prindin e 17-vjeçarit që thotë se veprimi është i papranueshëm. “Fakti që djali im nuk mund të kontaktohet për një javë të tërë më duket joproporcional. Kur u përpoqa të marr një deklaratë me shkrim nga shkolla, vetëm më thanë se tërheqja nuk ishte masë disiplinore. Kështu që nuk kisha asgjë për të kontestuar”, thotë prindi, shkruan 20minuten, përcjell albinfo.ch.

Megjithatë, prindi i 17-vjeçarit nuk do të dorëzohet. “Tani kam kërkuar të ashtuquajturin gjykim deklarativ nga drejtoria e arsimit. Ata duhet ta përdorin atë për të gjykuar nëse konfiskimi i celularit për një javë ishte i ligjshëm. Deri më tani askush nuk i ka rezistuar kësaj mase. Tani gjykata do të duhet të gjykojë nëse është e arsyeshme të konfiskohet një celular për një javë të tërë,” është shprehur prindi i 17-vjeçarit, shkruan 20minuten, përcjell albinfo.ch.

Arsyeja pse prindi po kundërshton këtë masë që shkolla i vendosi të birit është për shkak që nuk jeton plotësisht me të, pasi që ai dhe e ëma janë të divorcuar.

Ndërkohë, rektori i shkollës nuk e ka komentuar rastin, thotë se po punojnë që të kujdesen si më së miri për të gjithë nxënësit. “Ne përpiqemi të sigurojmë kujdesin më të mirë të mundshëm për çdo student. Me mbështetje dashamirës arsimore dhe në përputhje të rreptë me ligjin e shkollës, rregulloret dhe udhëzimet e tjera”, thotë ai për 20minuten, përcjell albinfo.ch.

Çështja e përdorimit të pajisjeve elektronike në shkollë është e rregulluar edhe me ligj në kantonin e Friburgut. Sipas kësaj, nxënësve nuk u lejohet përdorimi i pajisjeve elektronike deri në momentin që mësuesi nuk e lejon një gjë të tillë. Në rast se kjo shkelet, atëherë mësuesit i lejohet të konfiskojë pajisjen, shkruan 20minuten, përcjell albinfo.ch.