Pensionistët padisin Zvicrën për “mosveprim” mjedisor

(KEYSTONE/Gaetan Bally)

Për herë të parë në historinë e saj, Gjykata Evropiane e të Drejtave të Njeriut (GJEDNJ) do të shqyrtojë këtë javë “mosveprimin e klimës” të pretenduar të Zvicrës dhe efektin e saj tek të moshuarit e vendit, përcjell albinfo.ch.

“Është një ngjarje historike,” tha Anne Mahrer, 64 vjeç, një nga zëdhënëset e shoqatës së quajtur “Les Aînées pour la protection du climat suisse” (Të moshuarit për mbrojtjen e mjedisit zviceran), një shoqatë që ka më shumë se 2000 anëtarë, me një moshë mesatare 73 vjeç.

Grupi pretendon se të gjithë, por veçanërisht të moshuarit, janë të prekur nga ngrohja globale.

Para GJEDNJ-së, shoqata synon të thirret në disa shkelje të kryera nga qeveria zvicerane të neneve të Konventës Evropiane për Mbrojtjen e të Drejtave të Njeriut, në veçanti atë që garanton të drejtën për jetë.