Zvicër: Identifikohet rasti i tretë i gripit të shpendëve

@pixabay

Gripi i shpendëve vazhdon të përhapet në Zvicër. Të hënën është identifikuar në 40 pula në Fehraltorf të Cyrihut. Ky është shpërthimi i tretë i gripit të shpendëve në ferma. Gripi i shpendëve u zbulua në rreth 40 pula vezore në një fermë pranë Pfäffikersee në kantonin e Cyrihut, raporton Blick, përcjell albinfo.ch.

Zyra Federale e Sigurisë së Ushqimit dhe Veterinarisë dhe Zyra Veterinare e Cyrihut, po marrin masa shtesë për të mbrojtur shpendët shtëpiake në zonën e prekur, shkruan Blick, përcjell albinfo.ch.

Ferma u mbyll dhe pulat e mbetura pjellëse u asgjësuan dhe ka filluar pastrimi dhe dezinfektimi i objektit. Një zonë mbikëqyrjeje u krijua në një rreze prej tre kilometrash rreth fermës epidemike, në të cilën zbatohen rregullore të shtuara sigurie, shkruan Blick, përcjell albinfo.ch.