Kurti në Francë, merr pjesë në takimin për Marrëveshjen e Stabilizim – Asociimit

Raportohet se kryeministri i Kosovës, Albin Kurti, sot merr pjesë në takimin e Komitetit Parlamentar për Marrëveshjen e Stabilizim- Asociimit, përcjell albinfo.ch.

Kurti sot do të marrë pjesë në takimin e 10-të të Komitetit Parlamentar për Marrëveshjen e Stabilizim-Asociimit me BE-në, në Strasburg të Francës.

I pari i Qeverisë mbrëmë udhëtoi për në Francë, ndërsa gjatë qëndrimit dyditor ai do të takohet me deputetë dhe kryesues të grupeve kryesore politike të Parlamentit Evropian, si dhe me presidenten e Parlamentit Evropian, Roberta Metsola.​