Shkolla Shqipe në Zvicër organizoi veprimtari festive me rastin e 7-8 Marsit

Me rastin e festave të 7 dhe 8 Marsit, Këshilli i Prindërve dhe Mësuesve, së bashku me nxënësit e «Shkollës Shqipe» në Zvicër organizuan një veprimtari festive në Cham të Kantonit të Zugut, përcjell albinfo.ch.

Pjesëmarrësit e shumtë në këtë aktivitet ndoqën me interes programin artistik të përgatitur me mjeshtëri e pasion nga nxënësit dhe mësuesit e «Shkollës Shqipe».

I pranishëm në këtë aktivitet ishte dhe Ambasadori i RSH në Bernë, I. Gjoni, i cili i përshëndeti të pranishmit dhe i uroi ata me “gëzuar festat”, duke u dëshiruar suksese të mëtejshme në masivizimin e mësimit të gjuhës, kulturës e historisë shqiptare. /Embassy of Albania, Berne