Shqipëria, të dielën në ditë zie   

Për nder të viktimave të tragjedisë së Greqisë, në mesin e të cilëve janë edhe 3 shqiptarë, Shqipëria ka shpallur të dielën ditë zie.

Lajmin e ka bërë të ditur kryeministri Edi Rama, shkruan albinfo.ch.

“Tragjedia e Greqisë është edhe tragjedia jonë, dhimbja për jetët e humbura në aksidentin e tmerrshëm është edhe jona dhe ky është një nga ato momente jetësore, kur një humbje e madhe tek fqinji të tregon më shumë se sa njëqind gëzime që jetët tona janë të ndërlidhura pazgjidhshmërisht, e se duhet të bëjmë çmos që t’i bëjmë ato sa më të mira, duke bashkëpunuar gjithnjë e më shumë me njëri-tjetrin”, shkroi Rama.