Gjendet i vdekur një shqiptar në Itali

Photo ilustrim

Raportohet se 53-vjeçari shqiptar, Gëzim Muho, humbi jetën në komunën San Dona, (Venecia) Itali, në rrethana që mbeten ende për t’u sqaruar, përcjell albinfo.ch.

Ai ishte duke u kthyer për në shtëpi në përfundim të turnit të punës.

Viktima dyshohet të ketë rrëshqitur dhe përfunduar në një kanal, me fytyrën përmbys në vijën e ujit që nuk i kalonte 20 centimetra, shkruan Ilgazzetino.

I ndjeri Gëzim Muho punonte si pjatalarës në një restorant të njohur me emrin Vecio Piave, në Caposille, në zonën e San Dona.

Ai u gjet nga një kalimtar i rastit pasditen e së hënës, teksa po lëvizte me mjet.

Pavarësisht njoftimit të ndihmës së shpejtë, Muho u deklarua i vdekur.