Lajme
Kompanitë më të mira për të punuar në vitin 2023
Glassdoor, një faqe ku punonjësit mund të vlerësojnë në mënyrë anonime punëdhënësit e tyre, renditi Meta-n si vendin më të mirë për të punuar në SHBA në vitin 2018. Vitin e kaluar, Meta pësoi rënie të madhe, duke u renditur në vendin e 47-të.
Ndërsa këtë vit, kjo kompani as që është fare pjesë e listës.
Pas një viti të keq për kompanitë e teknologjisë, i shoqëruar me largime masive të stafit nga puna dhe rënie të ndjeshme të çmimeve të aksioneve, punëdhënësit kryesorë, si Meta, Apple, Zillow dhe Zoom, janë zhdukur tërësisht nga lista e kompanive më të mira për të punuar në Glassdoor.
Me sa duket, ushqimi falas, transporti luksoz dhe mundësitë e punës në distancë nuk mund të konkurronin me paqëndrueshmërinë e këtij sektori.
Në fakt, vetëm dy prej kompanive të teknologjisë të ashtuquajtura si “Big Five” u renditën në këtë listë, me Google që zuri vendin e 8-të dhe Microsoft-in në vendin e 13-të. Gjithsesi, pjesa më e madhe e listës përbëhej nga kompanitë e teknologjisë, me 41 prej tyre që arritën të bëhen pjesë e saj.
Kompanitë e financës dhe të konsulencës përbënin sektorin e dytë më të preferuar, me shtatë kompani për secilën kategori.
Kompania e parë, e renditur si më e mira për të punuar këtë vit, ishte një firmë e zhvillimit të softuerëve, e quajtur Gainsight, e cila merret me integrimin e të dhënave të konsumatorëve. Ishte viti i parë që kompania me qendër në San Francisko, e themeluar në vitin 2009, u bë pjesë e kësaj liste.
“Viti i kaluar solli ulje e ngritje ekstreme për punëkërkuesit dhe punonjësit”, tha CEO i Glassdoor, Christian Sutherland-Wong, në një deklaratë për shtyp.
“Është tepër inkurajuese të shohësh se kompanitë po dyfishojnë rezultatet e tyre për shëndetin dhe mirëqenien mendore të punonjësve, diversitetin dhe gjithëpërfshirjen, përfitimet konkurruese dhe mjediset fleksibël të punës”.
Sistemi i vlerësimit të Glassdoor bazohet tek anketat vullnetare dhe anonime të plotësuara nga punonjësit.
Kur punonjësit dërgojnë vlerësimet, atyre u kërkohet që të ndajnë avantazhet dhe disavantazhet në lidhje me kompaninë për të cilën punojnë, duke përdorur një sistem renditjeje që merr në konsideratë mundësitë e karrierës, pagën, kulturën dhe vlerat, diversitetin dhe gjithëpërfshirjen, menaxherët e lartë dhe balancën punë-jetë.
10 kompanitë më të mira në renditjen e Glassdoor për vitin 2023:
Gainsight
Box
Bain & Company
McKinsey & Company
NVIDIA
MathWorks
Boston Consulting Group
ServiceNow
In-N-Out Burger / Quartz
E-Diaspora
-
Sot shfaqet në Cyrih filmi “The Land within”, i regjisorit Fisnik Maxville Filmi shfaqet në kuadrin e festivalit të filmit "Kino Kosova" që po mbahet në kinemanë RiffRaff...
-
“Kino Kosova”: Një realitet filmik i shikuar nga perspektiva femërore
-
Krasniqi sonte rikthehet në ring, përballet me boksierin portugez
-
Edi Rama e konfirmon: Më 12 maj jam në Athinë, nisim rrugëtimin e pranverës në diasporë
-
Kalabri - Itali
Gennaro Gattuso flet për rrënjët e tij në Kalabri
Jeta në Austri
-
Çfarë më lejohet të bëj në ballkonin tim në Austri? Gjatë muajve të verës, mund të duket se çdo austriak jeton ekskluzivisht në ballkonet e tij...
-
Një përmbledhje e lajmeve më të fundit në Austri
-
A mund të paguani taksat tuaja austriake duke përdorur një llogari bankare të huaj?
-
Pse Austria renditet kaq keq në indeksin për lirinë e shtypit?
-
Nomadët digjitalë: Kush mund të punojë në distancë në Austri?