Gjeneva është kantoni më i rrezikshëm për këmbësorët

@pixabay

Nëse jetoni në Gjenevë, sigurohuni që të shikoni të dyja drejtimet kur kaloni rrugën.

Kjo për shkak se është kantoni më i rrezikshëm për këmbësorët, sipas Zyrës Federale të Rrugëve (FEDRO).

Me 2.7 aksidente rrugore që përfshijnë këmbësorë për 10,000 banorë, Gjeneva është përpara Cyrihut (2.5) dhe Nidwalden (2.5), shkruajnë mediat zvicerane, përcjell albinfo.ch.

Megjithatë, shoferët nuk janë të vetmit përgjegjës për aksidentet – fajtorë janë edhe këmbësorët e pakujdesshëm.

“Në një të tretën e aksidenteve, këmbësorët janë fajtorë, për shkak të pavëmendjes së tyre,” tha Alexandre Brahier, një zëdhënës i policisë së Gjenevës.