Edhe Gjermania do të kërkojë test negativ për udhëtarët nga Kina

Gjermania do të kërkojë testimin e detyrueshëm të koronavirusit për njerëzit që hyjnë nga Kina për shkak të valës së infeksioneve atje, tha sot ministri i Shëndetësisë, Karl Lauterbach.

Politikani socialdemokrat tha se rregulloret e hyrjes në Gjermani do të ndryshohen në një afat të shkurtër dhe se udhëtarët nga Kina do të kenë nevojë në të ardhmen të paktën një test antigjeni të shpejtë negativ kur të hyjnë në Gjermani, transmeton dpa, përcjell albinfo.ch.

Gjermania po u bashkohet vendeve të tjera që vendosin rregulla më të rrepta shëndetësore për të ardhurit nga Kina, pasi një rritje e infeksioneve pasoi ndryshimin e qeverisë së Pekinit të politikës së tij strikte ”zero Covid-19”.

Belgjika dhe Suedia njoftuan më herët sot se po prezantojnë testimin e detyrueshëm Covid për udhëtarët nga Kina, pasi një takim i ekspertëve shëndetësorë në Bruksel nxiti fuqimisht shtetet anëtare që ta bëjnë këtë.

Britania e Madhe, Franca, Italia, Koreja e Jugut dhe SHBA-ja janë ndër ato që kanë njoftuar kërkesat shtesë të udhëtimit për vizitorët nga Kina.