Zvicër: Për një vit, 3,815 aksidente nga konsumimi i alkoollit

Gjeneva kryeson renditjen e aksidenteve rrugore të lidhura me alkoolin

Gjeneva mbetet kantoni me aksidentet më të rënda automobilistike për 10,000 banorë, sipas të dhënave të publikuara nga organizata e automobilizmit Touring Club Suisse (TCS) të martën, përcjell albinfo.ch.

Në total, 3,815 aksidente të lidhura me alkoolin kanë ndodhur në rrugët zvicerane në vitin 2021, 57 më shumë se një vit më parë. Nga ky numër, 364 shkaktuan lëndime të rënda ose vdekje.

Me 0,95 aksidente për 10 mijë banorë, Gjeneva është në krye të renditjes, siç ka qenë në pesë vjetët e fundit.

Më pas është Zug (0.92), Jura (0.68), Valais (0.60) dhe Uri (0.54).

Shkalla e aksidenteve u rrit gjithashtu në kantonet Vaud, Bernë, Neuchâtel, Appenzell Ausserrhoden dhe Cyrih. Mesatarja kombëtare është 0.42.

 

---