Lajme
Lëvizje e paqëndrueshme e euros ndaj dollarit
Euro u hodh për një kohë të shkurtër në nivelin më të lartë në gjashtë muaj kundrejt dollarit sot, pasi Banka Qendrore Evropiane (ECB) njoftoi rritje të mëtejshme të normave bazë të interesit për të zbutur inflacionin.
ECB rriti sot normat e interesit me 50 pikë bazë, rritja e katërt radhazi, ndonëse më pak se në dy mbledhjet e mëparshme dhe tha se do të vazhdojë të rrisë normat si pjesë e luftës kundër inflacionit të lartë.
Euro fillimisht iu përgjigj njoftimit të ECB-së, duke u rritur në 1,0737 dollarë, niveli më i lartë që nga 9 qershori, por më vonë ra në 1,0642 dollarë, duke rënë 0,38 për qind në ditë.
Funta britanike ra kundrejt monedhës amerikane pasi Banka e Anglisë ngriti normën bazë të interesit nga 3.0 në 3.5 për qind dhe sinjalizoi se rritje të mëtejshme ishin shumë të mundshme. Sipas të dhënave të fundit, funta u ul me 1.49 për qind në 1.2243 dollarë.
Krona norvegjeze gjithashtu u dobësua pasi Banka qendrore e vendit ngriti sot normën e saj bazë me 25 pikë bazë në nivelin më të lartë të 13 viteve prej 2.75 për qind dhe njoftoi se kishte “më shumë gjasa” ta rriste atë më tej në tremujorin e parë të 2023 ndërsa inflacioni mbetet shumë mbi objektivat. Dollari u forcua me 1.07 për qind kundrejt monedhës norvegjeze në 9.8570 krona.
Tendenca rënëse nuk e anashkaloi edhe frangun zviceran, i cili rrëshqiti në 1.08 dollarë, pas deklaratës së presidentit të Bankës Kombëtare të Zvicrës (SNB), Thomas Jordan, se është shumë herët për të shpallur “fundin” e periudhës së inflacionit të lartë.
Sot, për të tretën herë radhazi, SNB rriti normën bazë të interesit me 50 pikë bazë në 1 për qind dhe la të kuptohet për rritje të mundshme të mëtejshme./Euronews
E-Diaspora
-
Filmi “The Land within”, lufta në Kosovë, e vështruar nga një kënd tjetër Në "Kino Kosova" është shfaqur edhe filmi "The Land within", i regjisorit shqiptaro-zviceran Fisnik Maxville (Maxhuni),...
-
Robin Krasniqi fiton me pikë ndaj portugezit Jorge Silva
-
Sot shfaqet në Cyrih filmi “The Land within”, i regjisorit Fisnik Maxville
-
“Kino Kosova”: Një realitet filmik i shikuar nga perspektiva femërore
-
Krasniqi sonte rikthehet në ring, përballet me boksierin portugez
Jeta në Austri
-
Çfarë më lejohet të bëj në ballkonin tim në Austri? Gjatë muajve të verës, mund të duket se çdo austriak jeton ekskluzivisht në ballkonet e tij...
-
Një përmbledhje e lajmeve më të fundit në Austri
-
A mund të paguani taksat tuaja austriake duke përdorur një llogari bankare të huaj?
-
Pse Austria renditet kaq keq në indeksin për lirinë e shtypit?
-
Nomadët digjitalë: Kush mund të punojë në distancë në Austri?