Policia e Cyrihut mund të tregojë edhe më tej kombësinë e delinkuentëve

Më 2021, elektorati i Cyrihut kishte vendosur që policia të emërtojë kombësinë e të dyshuarve dhe kriminelëve. Disa e kishin kundërshtuar këtë

Policët e Kantonit të Cyrihut duhet të vazhdojnë të deklarojnë kombësinë e të dyshuarve dhe kriminelëve. Gjykata e Lartë Federale ka vendosur se kjo kërkesë kantonale është e ligjshme, transmeton albinfo.ch. Disa persona kishin kërkuar që ajo të hiqej, si diskriminuese.

Rregullorja sipas të cilës të gjitha forcat policore të Cyrihut duhet të emërtojnë kombësinë e të dyshuarve dhe kriminelëve është një kriter i vendosur në rrafshin e Kantonit, shkruan agjencia e lajmeve, sda. Megjithatë, në vendimin e saj të botuar të enjten, Gjykata e Lartë Federale thekson se i anulon rastet e tilla vetëm kur ato “i shmangen çdo interpretimi”, pra janë absolutisht të papajtueshme me ligjin mbizotërues.

Por, sipas Gjykatës së Lartë Federale në rastet kur emërtohen kombësitë nuk kemi të bëjmë me “raste absolutisht të papajtueshme me ligjin mbizotërues”.

Në mars të vitit 2021, elektorati i Kantonit të Cyrihut kishte vendosur me referendum që të gjitha trupat e policisë duhet të emërtojnë kombësinë e të dyshuarve dhe kriminelëve, përcjell albinfo.ch. Në vitet e mëparshme, policia e qytetit të Cyrihut e kishte shmangur qëllimisht këtë.

---