Zvicër: Shtiret si infermiere dhe rrëmben foshnjën, por arrestohet shpejt

Të hënën, një grua hyri në një dhomë në Spitalin Kantonal në Lucern dhe duke u paraqitur si infermiere, rrëmbeu një foshnjë të porsalindur. U arrestua

Një histori e tmerrshme, për fat, me një fund të lumtur. Një grua ka rrëmbyer një foshnjë të porsalindur nga Klinika gjinekologjike e spitalit kantonal në Lucern. Rrëmbyesja e dyshuar u arrestua dhe foshnja iu kthye prindërve të saj, sipas Ministrisë Publike të Lucernit. Fëmija u shërua brenda ditës. Është hapur një hetim, shkruajnë mediat zvicerane, përcjell albinfo.ch.

Gruaja hyri në një dhomë të Klinikës gjinekologjike, duke u thënë prindërve se ishte infermiere, njoftoi prokurori. Më pas ajo rrëmbeu foshnjën treditore. “Falë hetimeve të gjera”, thuhet në komunikatë, “rrëmbyesja e dyshuar është arrestuar në vendbanimin e saj në Zvicrën qendrore”. I porsalinduri iu kthye prindërve të tij, të cilëve iu është dhënë mbështetje psikologjike dhe është në gjendje të mirë shëndetësore, ka bërë të ditur Ministria Publike.

---