Lajme
Facebook pritet të njoftojë për shkurtime masive të vendeve të punës
Meta, kompania mëmë e Facebookut, planifikon të fillojë shkurtime në shkallë të gjerë të vendeve të punës.
Mediet raportojnë se ky vendim pritet të shpallet këtë të mërkurë. Gjatë rezultateve zhgënjyese financiare për tremujorin e tretë, shefi ekzekutiv, Mark Zuckerberg, pati njoftuar se do të ketë largime të punëtorëve.
“Në vitin 2023, investimet tona t’i fokusojmë në një numër të vogël fushash që kanë prioritet të lartë në rritjen e kompanisë”, pati thënë Zuckerberg.
Meta ka rreth 87 mijë punëtorë në mbarë botën në të gjithë platformat e saj, duke përfshirë Facebookun, Instagramin dhe WhatsAppin.
Planet për shkurtimin e vendeve të punës ndjekin vështirësitë në të gjithë sektorin e teknologjisë, pasi kjo industri po përballet me ngadalësimin e rritjes ekonomike botërore.
“Në total, ne presim që ta përfundojmë vitin 2023 me përafërsisht apo me të njëjtën madhësi ose edhe një kompani pak më të vogël se sa jemi sot”, ka shtuar ai.
Platformat e mbështetura nga reklamat, si Facebook dhe Google e Alphabet, po vuajnë nga shkurtimet në buxhet që po bëjnë reklamuesit, teksa luftojnë me inflacionin dhe rritjen e normave të interesit.
Po ashtu, kompanitë Stripe dhe Lyft njoftuan për largime masive nga puna në shkallë të gjerë, ndërsa Amazon tha se do të rrisë punësimin nëpër zyrat e saj të korporatave.
Twitter që kur u ble nga Elon Musku largoi nga puna rreth gjysmën e 7,500 punëtorëve që ka aktualisht.
Zuckerberg ka thënë se pret që investimet në Metaverse të zgjasin rreth një dekadë për të dhënë rezultate pozitive. Ndërkohë, ai thotë se duhet të riorganizojë ekipet brenda kompanisë për të ulur kostot./BBC
E-Diaspora
-
Kandidatja për eurodeputete, Kati Schneeberger, hap në Vjenë ekspozitën “Rezistenca paqësore në Kosovë 1990-1998 Kryetarja e shoqatës “Kosovo goes Europe”, Kati Schneeberger do të hapë nesër (2 maj) ekspozitën ...
-
Milano: Rita Petro, ndër të ftuarat e “FjalaFest”
-
Bruksel: Përfaqësuesit e diasporës shqiptare, gati për projektin e shkollës verore “JAM SHQIPTAR”
-
Belgjikë: Arrestohen disa shqiptarë për këto motive
-
Gjermani
Humb jetën tragjikisht mërgimtari në Gjermani
Jeta në Austri
-
Kandidatja për eurodeputete, Kati Schneeberger, hap në Vjenë ekspozitën “Rezistenca paqësore në Kosovë 1990-1998 Kryetarja e shoqatës “Kosovo goes Europe”, Kati Schneeberger do të hapë nesër (2 maj) ekspozitën ...
-
A do të zhvendoset nga burgu austriaku Fritzl që u dënua me burgim të përjetshëm për dhunimin e të bijës?
-
Austri: Përmbledhje e lajmeve të fundit të ditës së sotme
-
Gjithçka që ndryshon në Austri nga muaji maj
-
Katër liqene të bukura, tek të cilat mund të shkoni lehtësisht nga Vjena me transport publik