Lajme
Rritja e çmimeve: S’ka masa mbështetëse nga qeveria zvicerane
Qeveria zvicerane nuk e sheh të nevojshme nisjen e masave të jashtëzakonshme për dimrin 2022/23. “Nuk pritet recesion”
Këshilli Federal diskutoi masa të ndryshme mbështetëse për bizneset dhe familjet private në lidhje me rritjen e çmimeve të energjisë dhe inflacionit. Ekzekutivi doli në konkluzionin se as gjendja ekonomike dhe as inflacioni nuk justifikojnë një ndërhyrje, prandaj nuk sheh nevojën për masa të jashtëzakonshme për dimrin 2022/23, shkruajnë mediat zvicerane, përcjell albinfo.ch.
Inflacioni mbetet i lartë (3.3% në shtator 2022), por mbetet vetëm një e treta e atij të regjistruar në eurozonë. Grupi i ekspertëve të Konfederatës për parashikimet ekonomike, pavarësisht se ka ulur hipotezën e rritjes së PBB-së në vitin 2023 në 1.1%, nuk pret recesion, për sa kohë që situata energjetike nuk përkeqësohet.
Duke pasur parasysh këtë, Këshilli Federal diskutoi avantazhet dhe disavantazhet e masave të mundshme mbështetëse të cilat u shqyrtuan nga grupi i punës ndërdepartamental, i përbërë nga pesë departamente dhe dymbëdhjetë zyra federale. Trembëdhjetë masat përfshinin tetë për bizneset e interesuara drejtpërdrejt dhe pesë për familjet. Ndër të tjera u diskutuan disa variante për kompanitë që do të riktheheshin nga tregu i lirë i energjisë elektrike në shërbim universal. Të gjitha masat, megjithatë, do të përfshinin ndërhyrje të forta, probleme të mundshme të aplikimit dhe efekte anësore të padëshiruara. Prandaj Këshilli Federal ka ardhur në përfundimin se nuk ka nevojë të ndërhyhet për momentin, përcjell tutje albinfo.ch.
Në të kundërt, Këshilli Federal udhëzoi Departamentin Federal të Çështjeve Ekonomike, Arsimit dhe Kërkimit (Defr) të vazhdojë monitorimin e efekteve makroekonomike dhe t’i raportojë Këshillit Federal në rast të një recesioni të rëndë të afërt, si dhe të përshkruajë opsionet për veprim. Për më tepër, deri në fund të nëntorit 2022, Departamenti Federal i Mjedisit, Transportit, Energjisë dhe Komunikimeve (Datec) do të duhet t’i paraqesë Këshillit Federal një vlerësim të pasojave të masave që aktualisht po studiohen në BE për të përmirësuar çmimet.
E-Diaspora
-
Kalabri - Itali
Gennaro Gattuso flet për rrënjët e tij në Kalabri Gennaro Gattuso rrëfen se dashurinë e vertetë dhe qetësinë e gjen tek rrënjët e gjyshit dhe...
-
Gjermani
Iu dha lamtumira e fundit dje mërgimtarit nga Gjermania që humbi jetën në vendin e punës
-
Paris
Paris: Sukses i madh i filmit “Tashko & Koço”
-
Gjermani
Mynih: Një recital i shkëlqyeshëm piano nga Kosti Deti
-
Gjuha shqipe në Zvicër, tema qendrore e numrit më të ri të revistës albinfo.ch
Jeta në Austri
-
Një përmbledhje e lajmeve më të fundit në Austri Austria sheh rritje të papunësisë ndërsa ekonomia dobësohet, foshnja e vogël lëndohet pas rënies nga dritarja...
-
A mund të paguani taksat tuaja austriake duke përdorur një llogari bankare të huaj?
-
Pse Austria renditet kaq keq në indeksin për lirinë e shtypit?
-
Nomadët digjitalë: Kush mund të punojë në distancë në Austri?
-
Lajmet kryesore të Austrisë për këtë të enjte