Dy artistë shqiptarë nga Zvicra, të ftuar në simpoziumin e artit në Bosnjë e Hercegovinë

Rromir Imami

Mësohet se Shoqata e Artistëve në Bosnjë e Hercegovinë ka ftuar dy artistë shqiptarë që jetojnë në Zvicrë, aktorin dhe piktorin e njohur Naski Art Abdixhiku dhe piktorin Ramë Beqiri, shkruan albinfo.ch.

Të dy artistët janë të ftuar në simpoziumin e artit në Bosnjë e Hercegovinë, event ky, ku do të ketë artistë nga shumë vende të botës, që janë edhe me famë botërore.

“Në kuadër të Shoqatës së Artistëve në Bosnjë e Hercegovinë, e përkrahur nga Ministria e Kulturës dhe Artit atje, jemi të ftuar unë dhe Ramë Beqiri, ku do të qëndrojmë 4 ditë në Poçitelj, Mostar dhe Sarajevë.  Vlen të theksohet se ky event ka një koloni të artistëve nga Evropa dhe ne jemi të ftuar si artistë, piktorë, të marrim pjesë”, tregon artisti shqiptar për albinfo.ch, Naski Art Abdixhiku.

Udhëtimi do të jetë 4-ditor në Pocitelj, Mostar dhe Sarajevë, nga data 04 deri 06 nëntor. /Albinfo.ch