Zvicra u përgjigjet kritikave të Gjermanisë për emigrantët tranzitë

Ilustrim

Ministrja e Drejtësisë, Karin Keller-Sutter, ka hedhur poshtë sugjerimet se autoritetet zvicerane thjesht po “përcjellin me dorë migrantët” në rrugën e azilit.

Të dielën, nënkryetarja e grupit parlamentar të Gjermanisë CDU/CSU i tha gazetës NZZ am Sonntag se raportet e rojave kufitare zvicerane që lejojnë azilkërkuesit të kalojnë nëpër Zvicër për të arritur destinacionet e tyre të preferuara – si Franca ose po dëmtojnë zonën Shengen”, transmeton Albinfo.ch.

Andrea Lindholz po i referohej në mënyrë specifike situatës në kufirin lindor të Zvicrës, ku deri në 1000 emigrantë në javë, kryesisht të rinj afganë, po mbërrijnë aktualisht, por nuk aplikojnë për azil.

“Zvicra po shkel marrëveshjet e Dublinit duke i lënë emigrantët të kalojnë”, theksoi ajo.

Keller-Sutter si kundërpërgjigje hodhi poshtë idenë se lënia e emigrantëve të lëvizin përpara përbën shkelje të rregullave të azilit të “Dublinit” për 26 shtetet Shengen. “Nëse këta njerëz nuk aplikojnë për azil dhe thjesht udhëtojnë përpara, atëherë nuk ka shkelje nga Procesi i Dublinit”, tha Keller-Sutter për televizionin publik zviceran SRF. Policia mund të kryejë kontrolle, por nuk mund të ndalojë emigrantët, tha ajo, përcjell albinfo.ch.

Gjermania dhe Zvicra vazhdojnë të bashkëpunojnë mirë dhe të punojnë së bashku për të trajtuar migracionin e paligjshëm, tha Keller-Sutter.

Çka janë rregullat e Dublinit?

Rregullat e Dublinit thonë se shteti Shengen përgjegjës për përpunimin e një kërkese për azil është përgjithësisht vendi i “pikës së parë të hyrjes së parregullt”. Megjithatë, që nga viti 2015 dhe numri i madh i emigrantëve që mbërrijnë në Evropë, politikëbërësit në Bruksel janë përpjekur të reformojnë procesin për të reduktuar barrën mbi shtetet kufitare si Greqia dhe Italia dhe për të rishpërndarë migrantët në mënyrë më të barabartë në gjithë Evropën.

Në mes të tetorit, numri i kalimeve të parregullta në Bashkimin Evropian arriti nivelin më të lartë që nga viti 2016, tha agjencia evropiane e sigurisë së kufijve Frontex.