Lajme
Çfarë ndodh në rast se Rusia përdor armë bërthamore?
Gjenerali në pension dhe ish-kreu i CIA-s, David Petraeus, u përgjigjet shqetësimeve në rritje për mundësinë që Putin ta çojë në një nivel të ri të rrezikshëm luftën në Ukrainë.
Nëse presidenti Vladimir Putin do të përdorë armët bërthamore, Shtetet e Bashkuara dhe aleatët do të asgjësojnë të gjitha trupat dhe pajisjet ruse në Ukrainë. Janë fjalët e gjeneralit në pension dhe ish-kreut të CIA-s, David Petraeus, i cili u përgjigjet shqetësimeve në rritje për mundësinë që Putin ta çojë në një nivel të ri të rrezikshëm luftën në Ukrainë.
“Vetëm për t’iu dhënë një ide, ne do të përgjigjeshim duke udhëhequr një përpjekje të NATO-s, një përpjekje kolektive që do të shkatërronte çdo forcë konvencionale të Rusisë që mund të identifikohet në fushëbetejë në Ukrainë, në Krime dhe çdo anije në Detin e Zi”, u shpreh David Petraeus.
Ish-kreu i CIA-s tha se veprimet e fundit të Putin, si mobilizimi i rezervistëve dhe aneksimi i paligjshëm i 4 rajoneve ukrainase, ishin një përpjekje e dëshpëruar përballë faktit se ai po e humbiste luftën.
Ukraina tha të dielën se kishte marrë kontrollin e plotë të qytetit logjistik lindor të limanit, në një prej fitoreve më të rëndësishme në fushëbetejë gjatë javëve të fundit. Por presidenti Volodymyr Zelensky tha se suksesi i ushtrisë ukrainase nuk ishte i lumtur vetëm në rimarrjen e limanit, por edhe disa qyteteve në rajonin e Kherson ishin çliruar, përcjell Albinfo.ch.
“Historia e çlirimit të limanit në rajonin e Donetsk është bërë më popullorja në media. Por suksesi i ushtarëve tanë nuk kufizohet te Limani”, tha Zelensky. Presidenti Volodymyr Zelensky u shpreh i sigurt që Ukraina do të mund t’i bashkohet NATO-s, pasi 9 shtete të Evropës Qendrore dhe Lindore, përfshirë Maqedoninë e Veriut dhe Malin e Zi, ofruan mbështetjen për anëtarësimin e vendit. Shefi i Aleancës, Jens Stoltenber, përsëriti se çdo vendim duhet marrë me konsensus nga të 30 anëtarët e NATO-s. Në një intervistë për NBC, ai tha se Rusia do të përballet me pasoja të rënda nëse përdor armët bërthamore.
E-Diaspora
-
Kandidatja për eurodeputete, Kati Schneeberger, hap në Vjenë ekspozitën “Rezistenca paqësore në Kosovë 1990-1998 Kryetarja e shoqatës “Kosovo goes Europe”, Kati Schneeberger do të hapë nesër (2 maj) ekspozitën ...
-
Milano: Rita Petro, ndër të ftuarat e “FjalaFest”
-
Bruksel: Përfaqësuesit e diasporës shqiptare, gati për projektin e shkollës verore “JAM SHQIPTAR”
-
Belgjikë: Arrestohen disa shqiptarë për këto motive
-
Gjermani
Humb jetën tragjikisht mërgimtari në Gjermani
Jeta në Austri
-
Kandidatja për eurodeputete, Kati Schneeberger, hap në Vjenë ekspozitën “Rezistenca paqësore në Kosovë 1990-1998 Kryetarja e shoqatës “Kosovo goes Europe”, Kati Schneeberger do të hapë nesër (2 maj) ekspozitën ...
-
A do të zhvendoset nga burgu austriaku Fritzl që u dënua me burgim të përjetshëm për dhunimin e të bijës?
-
Austri: Përmbledhje e lajmeve të fundit të ditës së sotme
-
Gjithçka që ndryshon në Austri nga muaji maj
-
Katër liqene të bukura, tek të cilat mund të shkoni lehtësisht nga Vjena me transport publik