Përplasen dy avionë pasagjerësh në aeroport në Angli

(KEYSTONE/Ennio Leanza)

Në Londër  raportohet se janë përplasur dy avionë pasagjerësh ndërkohë që po lëviznin në pistë në aeroportin Heathrow, përcjell albinfo.ch.

Ngjarja ndodhi rreth orës 20:00 të mbrëmjes, ndërkohë që besohet se aeroplani i Korean Air 777 ‘përplasi’ një avion të Icelandair 767, përcjell albinfo.ch.

Mënyra se si ndodhi aksidenti në fillim ishte e paqartë, por mediat angleze kanë raportuar se dy avionët janë goditur në zonën e krahëve, por incidenti nuk raportohet të jetë i rëndë.

Avioni i Korean Air do të nisej nga Londra në orën 19:35 për në Seul, Kore.

“Jam i sigurt se ‘gërvishtëm’ një avion tjetër. Na është thënë se do të kthehemi në ‘gate’ për shkak të një problemi teknik. Por, kjo ishte 15 minuta më parë dhe ne ende nuk kemi lëvizur”, shkroi në Twitter një nga pasagjerët.