Shifrat reale të largimit të shqiptarëve nga vendi i tyre

Ilustrim

Ines Nurja, ish-drejtoresha e përgjithshme e INSTAT tregoi shifrat reale të largimit të shqiptarëve.

Nga viti 2011 kur është bërë për herë të fundit regjistrimi, Nurja tha se ishte planifikuar të bëhej në vitin 2020, u shty për shkak të pandemisë, më pas në vitin 2021 u shty për arsye menaxheriale dhe tashmë do të realizohet në vitin 2023.

“Ka një problem që në vitin 2023 janë zgjedhjet lokale dhe sipas ligjit të statistikave nuk mund të bësh cencus në momentin që ke zgjedhje lokale ose zgjedhje të përgjithshme, pra do të thotë se ne nuk kemi akoma një pasqyrë të qartë se çfarë ka ndodhur me shqiptarët,” – u shpreh Nurja për euronews Albania.

Sipas saj nuk ka një informacion të plotë, ndërsa vuri në dispozicion shifrën e të larguarve nga viti 2014-2021 për azil ekonomik dhe bëhej fjalë për 194 mijë veta.