Shqipëria

Osmani: Irani duhet të mbajë përgjegjësi për sulmet kibernetike në Shqipëri

E enjte, 8 Shtator 2022 - 14:20 albinfo.ch

Vjosa Osmani

Presidentja Vjosa Osmani e ka dënuar sulmin kibernetik kundër infrastrukturës kritike të Shqipërisë.

Përmes një njoftimi të Presidencës, bëhet e ditur se Osmani ka kërkuar që Irani të mbahet përgjegjës për këto sulme.

“E dënojmë fuqishëm sulmin kibernetik kundër infrastrukturës kritike të Shqipërisë. Ne i qëndrojmë pranë presidentit të Shqipërisë, Bajram Begaj dhe qeverisë shqiptare dhe bëjmë thirrje që Irani të mbahet përgjegjës për këtë veprim të paprecedentë”, thuhet në njoftimin e Presidencës.

Shqipëria i ka ndërprerë lidhjet diplomatike me Iranin, pasi e akuzon Teheranin se qëndron mbrapa këtyre sulmeve.