Kjo kompani sigurimi u jep 10 për qind zbritje grave që heqin dorë nga aborti

Gratë që zgjedhin të mos bëjnë abort, përfitojnë 10 për qind zbritje në primet e sigurimit suplementar nga Helsana. Kjo acarron gratë nga PS

Swissinfo.ch ka publikoi në fundjavë një studim i cili ka bërë që kompania e sigurimit shëndetësor Helsana të pushtohet nga një valë kritikash, transmeton albinfo.ch. Shkak për këtë është bërë bashkëpunimi mes Helsana-s dhe shoqatës kundër abortit “Pro Life”.

Anëtarët e shoqatës, mbi bazë të këtij bashkëpunimi duhet të përfitojnë dhjetë për qind zbritje në primet e sigurimit suplementar. Por, me një kusht: ato duhet të nënshkruajnë një statut në të cilin shprehen se heqin dorë nga aborti.

Kjo ka shkaktuar probleme për PS-në. Kështu, deputetja nacionale e Bernës dhe bashkë-presidentja e grave të PS-së për Zvicër, Tamara Funiciello, e shpreh zemërimin e saj në Twitter. Ajo i referohet një letre të hapur ku kritikonte Helsanën për bashkëpunimin.

Ajo shkruan si vijon: “Duke punuar me Pro Life, ju po mbështesni një lëvizje që po sulmon drejtpërdrejt këtë të drejtë themelore (abortin) dhe bashkë me të shëndetin fizik dhe mendor të grave”.

Në letrën e hapur drejtuar Helsana-s i kërkohet ndërprerja e kontratave me Pro Life dhe ndërprerja e çdo bashkëpunimi.

“Është për të ardhur keq që mbështetësit e abortit” ndjehen të sulmuar, thotë një zëdhënës i Helsana, shkruan blick.ch. Në deklaratën e tij, megjithatë, ai donte të distancohej nga problemi. Janë vendime personale që duhen respektuar, por që nuk ju shqetësojnë.

Helsana gjithashtu argumenton se bëhet fjalë për një marrëveshje kolektive, të zakonshme në këtë sektor, transmeton albinfo.ch.

Përveç kësaj, është shoqata Pro Life, ajo që u kërkon anëtarëve të nënshkruajnë statutin. Helsana nuk ka asnjë lidhje me këtë.
Nuk ka as një qëndrim të përbashkët mes Helsana dhe Pro Life, thekson zëdhënësi.

---