Rasti Gramshi, presidentja Osmani i ofron homologut shqiptar ndihmën e Kosovës

Ajo ka bërë thirrje që ky sulm të dënohet së bashku me autorët përkatës

Presidentja e Kosovës, Vjosa Osmani, ka reaguar lidhur me incidentin e ndodhur në Uzinën Ushtarake të Gramshit, ku dy shtetas rusë dhe një ukrainas janë arrestuar nën akuzën e spiunazhit.

Osmani ka shkruar në Twitter se për këtë ngjarje ka folur me homogun Bajram Begaj, përcjell Albinfo.ch.

“Fola me presidentin Bajram Begaj mbi sulmin e fundit ndaj dy ushtarëve shqiptarë në Uzinën e Gramshit. U uroj një shërim sa më të shpejtë të lënduarve”, ka shkruar Osmani.

Nga ana tjetër, ajo ka bërë thirrje që ky sulm të dënohet së bashku me autorët përkatës.

Teksa në mbyllje të mesazhit të saj, Osmani thekson se institucionet e Kosovës mbeten në gatishmëri të plotë për të ofruar mbështetje ndaj atyre shqiptare.

Hetimi për shtetasit e huaj ende vazhdon, ku sipas pistave të para mendohet se ata mund të jenë agjentë rusë të forcave ruse GRU.

Dy ushtarakët shqiptarë kanë marrë ndihmën e parë dhe janë në gjendje të mirë shëndetësore./Albinfo.ch

---