Vonesa në aeroportin “Nënë Tereza”, shtyhen disa fluturime

Udhëtimet e planifikuara mëngjesin e sotëm nga Shqipëria drejt Turqisë janë shtyrë për në mbrëmje, ndërkohë që edhe linja të tjera kanë vonesa me disa orë.

Po ashtu raportohet edhe për një avion që ka shfaqur probleme dhe ndodhet prej disa orësh në pistë, pa mundur të niset drejt destinacionit.

Situata raportohet në media nga qytetarë që ndodhen prej disa orësh në pritje për të udhëtuar në destinacionet e planifikuara, shumë prej të cilëve për pushime.