Shqetësimi britanik: Trafikantët shqiptarë, me reklama joshëse

Edhe sot, mediat angleze kanë shkruar për këtë dukuri.

Mediat britanike kanë vazhduar të shprehin shqetësimin për trafikimin e shqiptarëve me gomone. Edhe sot, mediat angleze kanë shkruar për këtë dukuri.

Një shkrim të veçantë i ka kushtuar gazeta e përditshme më e madhe britanike “The Sun”, e cila shkruan se trafikantët shqiptarë për të joshur sa më shumë klientë, reklamojnë në TikTok duke tentuar që të jenë sa më atraktivë në ofertat e tyre. “Shqiptarë shpejtoni se po vjen kryeministri i ri, i cili do të ndalojë gomonet”, shkruajnë ata, përcjell Albinfo.ch.

Këtë gjë thekson “The Sun”, “nuk mundi t’ia arrijë Boris Jonson”.

Ky detaj i ri zbuluar nga “The Sun” vjen pas publikimit nga “Mail on Sunday” të një dokumenti sekret të inteligjencës ushtarake, ku shkruhej se nga 2,863 emigrantë që arritën me gomone në periudhën kohore 1 qershor deri 12 korrik, 1 mijë e  75 ishin shqiptarë./Albinfo.ch

---