Tre persona vdesin nga rrufeja që goditi Shtëpinë e Bardhë

Të vdekurit janë një çift i moshuar dhe një 29 vjeçar

Shtëpia e Bardhë në SHBA është goditur të premten nga rrufeja dhe për pasojë tre persona kanë vdekur, mes të cilëve edhe një çift i moshuar nga Wisconsin, raporton Albinfo.ch.

James Mueller, 76 vjeç dhe Donna Mueller, 75 vjeç, po vizitonin kryeqytetin amerikan për të festuar 56-vjetorin e martesës, tha mbesa e tyre. Të premten vdiq edhe një 29-vjeçar i paidentifikuar, ndërsa person i katërt është plagosur rëndë.

Viktimat ishin në Lafayette Park në kohën kur u goditën nga rrufeja. Afërsia e parkut me selinë e presidencës amerikane nënkupton se anëtarët e Shërbimit Sekret të SHBA ishin ndër njerëzit e parë që u kujdesën për viktimat.

Shërbimi Kombëtar i Motit kishte lëshuar një paralajmërim për stuhi për këtë zonë të enjten.

Një pjesë e parkut ka mbetur e mbyllur pas incidentit.

Rreth 40 milionë goditje rrufeje godasin tokën në SHBA çdo vit, por gjasat që dikush të goditet janë më pak se një në një milion dhe pothuajse 90% e të gjitha viktimave të tilla mbijetojnë./Albinfo.ch

---