Fotoja e Vullnet Sadikut zë vend në ekspozitën e Gjenevës

Artisti dhe mjeshtri i fotografisë, Vullnet Sadiku, i lindur dhe rritur në qytetin e Ferizajt, ka realizuar një fotografi të bukur, me të cilën edhe është ekspozuar në njërën nga shumë fotografi të fotografëve më në zë të botës, në ekspozitën Swiss Photo Club, e cila po mbahet në Gjenevë, shkruan albinfo.ch.

Fotoja me të cilën Vullnet Sadiku garoi në atë ekspozitë, është një veturë kalsike në një rrugicë, që ngjall nostalgjinë e shumë viteve më parë.

Fotoja u komentua shumë nga të pranishmit, për këndin e realizimit të saj dhe profesionalizmin e fotografit nga Kosova, shkruan tutje albinfo.ch.

Vullneti tregon për Albinfo.ch se është nder dhe emocion i veçantë të jesh pjesë e një ekspozite të madhe në kantonin e Gjenevës.