Ndryshime në orarin e trenave midis Lozanës dhe Bernës

pixabay

Linja e frekuentuar midis dy qyteteve do të ndikohet nga “puna kryesore e mirëmbajtjes së shinave dhe infrastrukturës” në 4.5 kilometra rrugë midis stacioneve të Friburgut dhe Düdingen, njoftoi Hekurudha Federale Zvicerane (SBB), përcjell albinfo.ch.

Punimet do të fillojnë më 20 gusht dhe do të zgjasin deri më 30 tetor, duke shkaktuar disa ndryshime në orarin e linjës Lozanë-Bernë, si dhe në zonën e Friburgut, në itineraret kryesore dhe rajonale.

“SBB është e vetëdijshme për ndryshimin e përkohshëm të zakoneve që kjo punë do të sjellë për klientët”, tha kompania, duke rekomanduar që pasagjerët të qëndrojnë të përditësuar duke vizituar faqen e internetit të dedikuar posaçërisht për këtë projekt.