Lajme
Numri i lartë i rasteve me Covid, profesionistët japin idenë për parandalim
Marrja edhe e dozës së katër të vaksinës anti-Covid po vlerësohet si masë preventive kundër përhapjes së virusit, pas rritjes së numrit të rasteve ditëve të fundit.
Këtë rekomandim të Ministrisë po e përkrahin edhe profesionistët shëndetësorë, por që konsiderojnë se mbyllja nuk është opsion.
Drejtori i Klinikës Infektive, Arben Vishaj, theksoi se situata epidemiologjike nuk është shqetësuese që të shkohet drejt mbylljes.
Por kur flet për pasojat e pandemisë, Vishaj tha se ato janë afatgjate, e po dëmtohen sidomos mushkëritë.
“Për momentin kemi mjaftueshëm barna esenciale për trajtimin e pacientëve me Covid. Rekomandimet e Institutit Kombëtar të Shëndetit Publik duhet të respektohen nga të gjithë ne. Vendimet e Qeverisë ne duhet t’i zbatojmë. Unë nuk mendoj që mbyllja është opsion dhe nuk mendoj që situata epidemiologjike për momentin është e tillë që të ketë mbyllje”.
“Duket që Covidi lë pasoja sidomos në mushkëri, por edhe në organe të tjera. Kjo gjendja post Covid mund të zgjasë dy muaj, tre muaj nganjëherë edhe me vjet. Dhe pa dyshim që Covidi lë pasoja në më ardhmen serioze dhe të rënda në shëndetin e përgjithshëm të pacientëve”, tha Vishaj.
Përderis infektologu Ilir Tolaj, në një intervistë për Ekonomia Online ka rekomanduar që kush ka vullnet të vaksinohet me dozën e katër.
“Autoritetet botërore po rekomandojnë që të vaksinohen personat e grupmoshave të caktuara mbi 60 vjeç ose ato me sëmundje kronike edhe me dozën e katërt. Prandaj rekomandimi imi është që çdo kush që ka vullnet për ta shtuar imunitetin e vet, të vaksinohet edhe me dozën e katërt”.
Ai tha se autoritetet e vendit kanë vepruar shpeshherë në mënyrë jo të logjikshme sa i përket menaxhimit të pandemisë, shto këtu faktin se kjo është rezultat i vendimeve të gabuara për 20 vjet qeverisje.
“Edhe këtu nuk pres qe autoritetet do të jenë të detyruara të marrin masa drastike. Autoritetet e vendit tonë shpeshherë kanë vepruar në mënyrë jo të logjikshme, në mënyrë të panikut. Prandaj ndoshta edhe mund të bëjmë diçka të tillë. Covidi tashmë është shëndrruar në sëmundje endemike. Kjo është rezultat i vendimeve të gabuara për 20 vjet”.
“Ajo që është edhe më ironike, ministrat të cilët janë praktikisht aktorët kryesorë të sjelljes së kësaj situate. Kjo punë nuk mund të kryhet as me ndonjë veprim të shpejtë, e as nuk mund të ndërpritet në mënyrë të plotë. Këta persona, të cilët e kanë sjellë këtë situatë në këtë shkallë, tashmë japin leksione se si do të duhet të zgjidhet ose të derdhin lot krokodili se Kosova po mbetet pa mjekë”, tha Tolaj.
Ministria e Shëndetësisë ditë më parë ka rekomanduar që personat e moshës mbi 60 vjec të vaksinohen me dozën e katër të vaksinës.
E-Diaspora
-
Kush është gruaja që ju flet shqip kur fluturoni me CHAIR? Nga prezantuese në radio, në këngëtare e moderatore e disa emisioneve të njohura, ajo njihet si njëri...
-
Kurti: Diaspora, urë lidhëse për investime direkte
-
Gjestila Mehmetaj, një model frymëzimi për rininë shqiptare në mërgim
-
Kanë mbetur vetëm edhe dy ditë për t’u regjistruar diaspora
-
Merakli t’kerreve: U ndihmojmë mërgimtarëve veçmas në kufij
Jeta në Austri
-
Si po e bën Austria më të lehtë imigrimin e punonjësve të huaj shëndetësorë? Plakja e popullsisë së Austrisë dhe mungesa e punonjësve të kujdesit shëndetësor janë ndër sfidat kryesore...
-
A mund të blejnë të huajt prona në Austri?
-
A mund të marr nënshtetësinë austriake dhe të lëviz menjëherë jashtë vendit?
-
Kandidatja austriake për eurodeputete viziton Zubin Potokun
-
Kandidati për eurodeputet, Lukas Mandl vizitoi meshën shqipe në Vjenë