Ekuipazhi i shpëton jetën të riut në aeroplanin Münster- Prishtinë

Ky fluturim dramatik i aeroplanit i cili u ngrit nga aeroporti i Münster/Osnabrück ka përfunduar me duartrokitje të mëdha në Prishtinë

Skena dramatike kanë ndodhur mëngjesin e së enjtes në fluturimin “IV341” të nisur nga Gjermania, pak para uljes në Kosovë, transmeton albinfo.ch. Një 17-vjeçari i ka rënë papritur të fikët dhe pasagjerët i kanë dhënë menjëherë ndihmën e parë.

Por gjendja e tij u përkeqësua, fytyra mori ngjyrë të bardhë. Pastaj një ndihmës ka vërejtur se i riu ka gëlltitur gjuhën – kështu, fillon një garë me kohën.

Ndihmësit e kanë kapur menjëherë djalin në pjesën e fytit dhe i kanë nxjerrur gjuhën, shkruan rtl.de. Por ai ka mbetur edhe më tutje i palëvizshëm. Pastaj atij i kanë bërë masazhe në gjoks njerëzit që e rrethonin, përcjell albinfo.ch Ata gjithashtu përpiqen t’i bëjnë frymëmarrje artificiale. Më pas vjen lehtësimi i madh si për pasagjerët ashtu edhe për ekuipazhin, sepse 17-vjeçari po merrte sërish frymë.

Ky fluturim dramatik i aeroplanit i cili u ngrit nga aeroporti i Münster/Osnabrück ka përfunduar me duartrokitje të mëdha në Prishtinë, ku djali po trajtohet nga një mjeke e urgjencës. Gjendja e tij tani është e mirë, duke pasur parasysh rrethanat.

---