Frangu i fortë zviceran po i bën më të lira pushimet jashtë vendit

Monedha e Zvicrës në top nivelet e saj me vlefshmëri

Raportet e fundit të lajmeve janë fokusuar në aspektet negative të udhëtimeve të huaja këtë vit, me inflacionin dhe rritjen e kostove të karburantit që kanë bërë që çmimi i biletave ajrore të rritet, njofton albinfo.ch.

Shtojini kësaj edhe shqetësime të tjera si vonesat e fluturimeve.

Megjithatë, po shfaqen edhe disa zhvillime pozitive: frangu është forcuar 10 për qind kundrejt euros, që do të thotë se pushimet në shumicën e vendeve evropiane këtë vit do të jenë më të lira për njerëzit që marrin pagat në Zvicër.

Kjo vlen për destinacionet më të njohura të pushimeve si Italia, Franca, Portugalia dhe Spanja, ndër të tjera. Në ato vende ju do të shpenzoni më pak për strehim, ushqim, argëtim dhe shpenzime të tjera sesa njerëzit që jetojnë në eurozonë.

Tani për tani, 1 frang ka arritur 1,009 euro, kështu që nëse ndërroni 1,000 franga, do të merrni 1,009 euro. Në përgjithësi, kjo shumë do t’ju blejë më shumë në vendet e eurozonës sesa në Zvicër.

Ekspertët thonë se mund të kurseni edhe më shumë nëse udhëtoni drejt destinacionit tuaj jashtë vendit në vend që të fluturoni. /Albinfo.ch

 

 

 

---