Nisin pushimet, fluks i mërgimtarëve drejt aeroportit të Prishtinës

Pushimet kanë filluar në shumë shtete të botës, veçmas në Austri, Gjermani dhe Zvicër. Ardhjet e mërgimtarëve po rriten çdoherë e më shumë në aeroportin “Adem Jashari”.

Nga janari deri në qershor të vitit 2022 kanë udhëtuar mbi 1.100.000 udhëtarë përmes aeroportit “Adem Jashari” dhe në total gjatë këtyre pesë muajve ka pasaur 10 mijë e 687 fluturime nga Prishtina, bën të ditur Zyra për Informim nga aeroporti i Prishtinës, shkruan albinfo.ch.

Ndërkohë, sipas agjencisë së Shërbimeve të Navigacionit Ajror (ASHNA), në gjashtëmujorin e parë të këtij viti, numri i fluturimeve në Kosovë ka shënuar rritje për 60 për qind.

“Gjashtëmujori i parë i vitit 2022 ka shënuar rritje të numrit të fluturimeve prej 60%, me 10687 fluturime, apo 3993 fluturime më shumë në krahasim me periudhën e njëjtë të vitit të kaluar”, thuhet në njoftimin për media.

Ndërsa, vetëm në muajin qershor ASHNA njofton se ka menaxhuar 2 mijë e 126 fluturime.