Gjermania i ‘frikësohet’ dimrit, shtohen kërkesat për rihapjen e termocentraleve me qymyr

Madje edhe një ministër që i përket Partisë Ambientaliste, mund të kërkojë rihapjen e centraleve me qymyr, për të përballur uljen e sasisë së gazit rus.

Situata energjetike në perspektivën e dimrit të acartë gjerman duket aq serioze, sa që edhe një ministër që i përket Partisë Ambientaliste mund të kërkojë rihapjen e centraleve me qymyr, për të përballur uljen e sasisë së gazit rus.

Bëhet fjalë për ministrin e Ekonomisë, Robert Habeck, i cili deklaroi gjatë fundjavës se vendi duhet të shkojë përpara edhe pse, sipas tij, “situata paraqitet serioze”, transmeton Cnn, përcjell Albinfo.ch.

Gjermania varet nga gazi rus për ngrohjen e shtëpive dhe industrive, për rreth 55% të totalit. Sot pas kufizimeve të Moskës, kjo sasi është ulur në 35%, duke e bërë të domosdoshme për Berlinin rikthimin në logjikën industriale të qymyrit, teknologji kjo tejet ndotëse dhe që ka shkaktuar kritika ndër vite.

 

 

---