Kërkohet që tarracat në Gjenevë të mos mbyllen në orën 23:00

(KEYSTONE/Salvatore Di Nolfi)

Baret e Gjenevës po bëjnë thirrje për një relaksim ndaj rregullit të ri që tarracat duhet të mbyllen në mesnatë.

Ky rregull është në fuqi që nga fillimi i muajit, shkruajnë mediat zvicerane, përcjell albinfo.ch.

Federata e Bareve dhe klubeve të natës në Gjenevë ka paraqitur një peticion prej 1000 nënshkrimesh për të dhënë pak fleksibilitet për të lejuar hapjen e tarracave deri në orën 1 të mëngjesit të së enjtes.

Që nga futja e ligjit të ri, pronarët e lokaleve thonë se pijetarët lëvizin në parqe kur mbyllen tarracat – dhe jo brenda.

Banorët vendas që ankohen për zhurmën – që çoi në kufizime – ende thonë se do të preferonin t’i shihnin tarracat të mbylleshin në orën 23:00.

Por nuk ka gjasa që diçka të ndryshojë këtë sezon. Komiteti i peticionit të qytetit nuk do të mblidhet për ta diskutuar atë deri në fund të verës.