Gjermani: Të shtëna me armë zjarri në një supermarket, 2 të vrarë

Në momentin e sulmit raportohet se brenda supermarketit kishte shumë njerëz.

Dy persona kanë vdekur si pasojë e të shtënave me armë zjarri në një supermarket në Gjermani.

Rasti tragjik ka ndodhur mesditën e së martës në pjesën Treysa të qytetit Schwalmstadt.
Sipas policisë, një person e ka goditur me armë zjarri një grua, duke e lënë të vdekur, dhe më pas e ka vrarë vetën, raporton DW, transmeton Albinfo.ch.

Nuk bëhen të ditur detajet rreth motivit të sulmit. Në njoftimin e organeve të rendit thuhet se viktima është një grua 53-vjeçare, derisa për të dyshuarin, i cili e kishte shkaktuar sulmin, thuhet se është një 58-vjeçar.

---