Lajme
Produktet nëpër supermarketet zvicerane kanë shumë sheqer për fëmijët
![](https://www.albinfo.at/wp-content/uploads/2021/10/supermarket-g6ef7899ef_1920.jpg)
Shumica dërrmuese e produkteve me paketim të dizajnuar për t’i tërhequr fëmijët përmbajnë shumë sheqer, kripë ose yndyrë, raportojnë gazetat Le Matin Dimanche dhe SonntagsZeitung, përcjell albinfo.ch.
Kjo është sipas një sondazhi të kryer rreth Pashkëve nga organizata e konsumatorëve Fédération romande de consommateurs (FRC) dhe homologët e saj në pjesën gjermane dhe italisht-folëse të Zvicrës.
Këto grupe konsumatorësh analizuan 344 mallra që synonin fëmijët e moshës mbi tre vjeç të shitura në supermarketet Coop, Migros, Aldi dhe Lidl. Lepurushat dhe zogjtë me çokollatë nuk u përfshin.
Ata zbuluan se 94% e produkteve të anketuara nuk plotësonin normat e Organizatës Botërore të Shëndetësisë (OBSH), kryesisht për shkak të sheqerit të tepërt (277 produkte).
“Ne e dimë se ëmbëlsirat përmbajnë sheqer, por shumë pako kanë imazhe të bukura të misrit, qumështit apo frutave, gjë që i bën prindërit të mendojnë se janë të shëndetshëm”, tha për Le Matin Dimanche Nathalie Farpour-Lambert, mjeke në Spitalin Universitar të Gjenevës.
Fëmijët janë pre e lehtë për marketing, sepse nëse shohin kafshë tërheqëse ose maskota njerëzish në paketim, mendojnë se produkti është më i mirë, sipas specialistes së ushqimit të FRC, Barbara Pfenniger. “Disa vende në fakt e kanë ndaluar përdorimin e fotografive të tilla në ushqime të pashëndetshme”, tha ajo për gazetën.
FRC po bën thirrje për një vlerësim ushqimor me rezultat Nutri për të gjitha produktet me paketim që synojnë fëmijët, përcjell tutje albinfo.ch.
E-Diaspora
-
Kryeministri i Kosovës sërish me thirrje për qytetarët e Kosovës dhe ata në diasporë që të regjistrohen Derisa procesi i regjistrimit të popullsisë në Kosovë ka hyrë në javën e fundit, kryeministri Albin...
-
ASK: Mbi 1.4 milionë qytetarë të regjistruar, mbi 400 mijë nga diaspora
-
Rama njofton për programin e veçantë për emigrantët që duan të investojnë në Shqipëri
-
400 mijë të regjistruar përmes platformës e-diaspora
-
Bizneset ekspozojnë produktet e tyre në “Panairi Lugina” në Zvicër
Jeta në Austri
-
Si po e bën Austria më të lehtë imigrimin e punonjësve të huaj shëndetësorë? Plakja e popullsisë së Austrisë dhe mungesa e punonjësve të kujdesit shëndetësor janë ndër sfidat kryesore...
-
A mund të blejnë të huajt prona në Austri?
-
A mund të marr nënshtetësinë austriake dhe të lëviz menjëherë jashtë vendit?
-
Kandidatja austriake për eurodeputete viziton Zubin Potokun
-
Kandidati për eurodeputet, Lukas Mandl vizitoi meshën shqipe në Vjenë