Një stuhi e fortë përfshiu mbrëmë Zvicrën

pixabay

MeteoSwiss ka raportuar sot se në shtetin e Zvicrës, veçmas në pjesën veriore, ka pasur një stuhi të fortë, njofton albinfo.ch.

Shiu dhe breshëri ka goditur mbrëmë Zvicrën nisur nga Bernese Oberland, fronti u zhvendos më pas në Zvicrën qendrore dhe lindore.

Raportohet se moti i keq shkaktoi ndërprerje në trafikun hekurudhor midis Lenk dhe Zweisimmen (BE).

Referuar statistikave nga MeteoSwiss, thuhet se mbi 12,000 vetëtima shpërthyen qiellin dhe në disa zona ranë breshër me diametër disa centimetra. Erërat e stuhishme, me maksimum 95 kilometra në orë, u regjistruan në Visp (VS) dhe në Pilatus, midis kantoneve Lucerne, Nidwalden dhe Obwalden. Reshjet më të larta u regjistruan në Interlaken (BE).

Sot, hekurudhat Federale të Zvicrës (SBB) informuan Keystone-ATS se linja midis Lenk dhe Zweisimmen në Simmental është bllokuar për shkak të motit të keq. Një shërbim autobusi zëvendësues funksionon në linjë./Albinfo.ch

Tweets by meteoschweiz