Zvicra, tërheqëse për punëtorët nga Italia, për shkak të pagave të larta

Punëdhënësit Italian ankohen për 'humbjen' e fuqisë punëtore lokale në Zvicër.

Shumë njerëz që jetojnë në zonat kufitare të Italisë dhe Francës preferojnë të punojnë në Zvicër, ku pagat janë shumë më të larta, njofton albinfo.ch.

Ky eksod i fuqisë punëtore të kualifikuar në Zvicër shkakton mungesa të punëtorëve të kualifikuar në rajonet e tyre, veçanërisht në sektorët e ndërtimit, restoranteve dhe hotelerisë. Kompanitë në ato zona thonë se mungesa e punonjësve është “alarmante” dhe e përshkruajnë situatën lokale të punësimit si “dramatike”.

“Unë mund t’i ofroj një marangozi me përvojë një pagë deri në 3,000 euro”, tha një punëdhënës në komunën kufitare italiane të Campodolcino. “Por në Zvicër ai paguhet të paktën 4500 euro”.

Për të mbajtur talentë larg Zvicrës, bizneset në rajonet kufitare po debatojnë se si t’i bëjnë punët lokale më “zvicerane” – domethënë më konkurruese dhe tërheqëse për sa u përket pagave dhe kushteve të punës.

“E vërteta është se ne duhet të kopjojmë modelin zviceran”, tha një politikan vendas italian.

Kjo nuk është hera e parë që punëdhënësit përtej kufirit ankohen për ‘humbjen’ e fuqisë punëtore lokale në Zvicër. /Albinfo.ch

 

 

---