Call Center, arrestohet kosovari që përfitoi 135 mijë euro

Zbulohet mashtrimi me call centera

Policia raporton se kosovari me pretekstin se do të hapë call centera, ka zhvatur qytetarë të ndryshëm në Shqipëri të cilëve iu ka marrë lekë borxh dhe nuk ua ka kthyer më, përcjell albinfo.ch.

Thuhet se në kuadër të operacionit policor të koduar “Mysafiri” u bë ndalimi i Q.K. “Ky shtetas ju kërkonte para borxh me pretendimin se do hapte call center dhe i mashtronte dhe nuk jua kthente më paratë”, thotë policia.

Vlen të theksohet se i riu nëpërmjet mashtrimit dhe shpërdorimit të besimit, ka përfituar shumën 135,000 euro nga një grua, me pretendimin se do t’i investonte në call center. Ai kishte përvetësuar shuma të konsiderueshme parash, me anë të mashtrimit, nga persona të ndryshëm.

Operacioni, u zhvillua nga Seksioni për Hetimin e Krimit Ekonomik dhe Financiar në DVP Tiranë, në bashkëpunim me Prokurorinë pranë Gjykatës së Shkallës së Parë Tiranë.

Thuhet se kosovari kishte përvetësuar shuma të konsiderueshme parash, me anë të mashtrimit dhe tani është vënë në pranga 30-vjeçari.

Në kuadër të këtij operacioni u bë ndalimi me iniciativë i shtetasit Q. K., 30 vjeç, banues në Kamenicë, Kosovë, për veprën penale “Mashtrimi”.

Gjithashtu, nga hetimet ka rezultuar se ky shtetas, nëpërmjet mashtrimit, ka përfituar shuma të ndryshme monetare, nga shtetas të ndryshëm në Republikën e Shqipërisë.

Materialet i kaluan Prokurorisë pranë Gjykatës së Rrethit Gjyqësor Tiranë, për veprime të mëtejshme procedurale. /Albinfo.ch

---