BE-ja, masa emergjente për të ikurit nga Ukraina

Ministrat e Brendshëm të BE-së kanë rënë dakord të miratojnë masa urgjente për t’u dhënë mbrojtje të menjëhershme njerëzve që ikin nga lufta në Ukrainë, njoftoi sot komisionerja e BE-së për Çështjet e Brendshme, Ylva Johansson, përcjell Albinfo.ch.

“Vendim historik” do të thotë se Bashkimi Evropian do të japë mbrojtje të përkohshme për njerëzit që ikin nga lufta në Ukrainë”, shkruan Johansson në Twitter pas takimit në Bruksel.

Masat emergjente ofrojnë një procedurë të shpejtë për njerëzit që largohen nga Ukraina për të aplikuar për statusin e mbrojtjes në çdo vend anëtar të BE-së.

Ideja është që të shmanget mbingarkesa e sistemeve të shteteve anëtare që strehojnë shumicën e refugjatëve, siç është Polonia fqinje.