Kina: Rusia dhe Ukraina duhet ta zgjidhin krizën përmes dialogut

Ndërsa vendet perëndimore bashkohen kundër Rusisë, fqinji i saj Kina është më pak dënues, përcjell albinfo.ch.

Në një telefonatë të premten, presidenti i Kinës, Xi Jinping i tha Vladimir Putinit se Kina mbështet Rusinë në përpjekjet për të zgjidhur krizën e Ukrainës përmes dialogut, raporton televizioni shtetëror kinez CCTV.

Kriza Ukrainë-Rusi po paraqet një sfidë të madhe për Kinën në shumë fronte.

Marrëdhëniet gjithnjë e më të ngushta diplomatike midis Rusisë dhe Kinës mund të shihen në Lojërat Dimërore – me Putinin që vjen në Pekin si një nga pak liderët botërorë që do të merrnin pjesë.

Më parë, ministria e jashtme kineze nuk pranoi ta quante ofensivën ruse një “pushtim”.