Gjermania përgatitet për refugjatë nga Ukraina

Keystone - @acalmelor

Ministrja e Brendshme në Gjermani, Nancy Faeser, tha se qeveria është “jashtëzakonisht vigjilente dhe e përgatitur për efektet e kësaj lufte dhe mbi situatën e sigurisë në Gjermani dhe lëvizjet e refugjatëve në Europë”.

Ajo tha se është “në kontakt të ngushtë me qeverinë polake dhe Komisionin e BE-së për lëvizjet e mundshme të refugjatëve”, shkruan Euronews.

Ajo ka theksuar se “mekanizmat e koordinimit dhe mbështetjes humanitare të BE-së tashmë janë në funksion për të siguruar ndihma për vendet fqnije me Ukrainën”.

“Ne jemi të përgatitur për sulme kibernetike. Ne kemi rritur masat mbrojtëse”, tha ajo, duke shtuar se protestat dhe demonstrata në Gjermani në përkrahje të Ukrainës janë nën vëzhgim nga ana e autoriteteve. /Albinfo.ch