Shumë mërgimtarë u nisën për në Bazel, po nuk arritën në destinacionin e tyre

Shumë mërgimtarë që kishin udhëtimin mbrëmë në Aeroporti Ndërkombëtar i Prishtinës “Adem Jashari”, u kthyen mbrapsht në shtëpitë e tyre.

U nisën nga Prishtina për në Bazel të Zvicrës, po nuk arritën në destinacionin e tyre, përcjell albinfo.ch.

Kjo për shkak të një defekti në aeroplanin me të cilin ata udhëtonin.

Thuhet se pas diku 30-40 minutash fluturimi, aeroplani u rikthye prapë në aeroportin e Prishtinës, duke lajmëruar udhëtarët se ka një defekt.  Një gjë të tillë e ka konfirmuar edhe Aeroporti i Prishtinës.

Mërgimtarët mbrëmë vonë janë rikthyer. Shumica e tyre kanë pasur reagime jo të mira dhe janë shprehur të maltretuar. /Albinfo.ch

 

---