Ngritja e çmimit të energjisë elektrike, Kurti thërret konferencë

Në Kosovë, informacioni për ngritjen e çmimit të energjisë elektrike ka nxitur reagime të shumta.

Lidhur me këtë çështje, shefi i ekzekutivit, Albin Kurti, ka paralajmëruar konferencë për media.

Gjatë një takimi me përfaqësuesit e AKP-së, Kurti bëri të ditur se në orën 15:00 do të mbajë konferencë së bashku me minsitren e Ekonomisë, Artane Rizvanolli.

Kujtojmë se Ministria e Ekonomisë përmes një komunikate për media ka njoftuar se do të subvencionojë qytetarët dhe bizneset për t’i mbrojtur nga rritja e tarifave të energjisë elektrike.

Për këtë, kjo ministri është zotuar për 75 milionë euro për subvencionim të energjisë për këto dy kategori.