SHBA letër Kurtit, i kërkojnë fokusim në dialogun Kosovë-Serbi

Kryeministri i Kosovës, Albin Kurti, ka pranuar një letër me kërkesa nga Sekretari i Departamentit të Shtetit të Shteteve të Bashkuara të Amerikës, Antony Blinken.

Raportet ndërmjet Kosovës e Serbisë dhe natyra e pazgjidhur e marrëdhënieve, sipas Blinken, mbeten një pengesë e madhe për anëtarësimin dhe integrimin e plotë të Kosovës.

“Besojmë që dialogu i ndërmjetësuar nga BE-ja mbetet forumi më i mirë për normalizimin e negociatave ndërmjet Beogradit dhe Prishtinës dhe ne koordinohemi nga afër me partnerët tanë në BE për këtë qëllim”, ka shkruar Blinken, transmeton Albinfo.ch.

Po ashtu zyrtari i lartë amerikan është fokusuar edhe në energjinë elektrike.

“Ju inkurajoj që t’i kushtoni vëmendje arritjes së marrëveshjes për energji elektrike në veriun e Kosovës dhe për avancimin e qëllimeve të përbashkëta në lidhje me personat e pagjetur. Është në interes të Kosovës që këto çështje të zgjidhen dhe të çojnë drejt një zgjidhjeje kompromisi në planin afatshkurtër, e që të mund të shërbejnë si bazë për progresin e mëtejshëm drejt normalizimit gjithëpërfshirës”, ka shkruar Blinken.