Të tjera
Lojërat Olimpike dimërore do të zhvillohen pa masa anti-Covid
Huang Chun, një zyrtar i Komitetit Organizativ të Lojërave Dimërore, Pekin 2022, tha në një takim online se nuk do të ketë masa shtesë parandaluse për Covid-19. Ndërkohë, 20 milionë kinezë janë në izolim.
Rastet e reja të Omicron-it në Kinë nuk do të jenë pengesë për fillimin e Lojërave Olimpike Dimërore në Pekin, të cilat do të hapen më 4 shkurt.
Chun tha gjatë takimit se masat do të shtohen vetëm në rast se “do të ketë shumë raste (me të infektuar)”.
Një vendim i mbështetur edhe nga zëdhënësi i Komitetit Olimpik, Zhao Weidong-u, i cili garanton se “çfarëdo vështirësie dhe sfidash që mund të hasim, vendosmëria jonë për të pritur Lojërat mbetet e palëkundur”.
Megjithatë, qeveria e Pekinit shprehu shqetësimin e saj për Lojërat vetëm një ditë më parë, më 10 janar, përcjell Albinfo.ch.
Lojërat mbahen nga data 4 deri më 20 shkurt dhe varianti Omicron tashmë është i pranishëm në zonën e Tianjinit, që gjendet fare pranë Pekinit.
Mëngjesin e kësaj të marte Anyangu u bë qyteti i tretë kinez që u fut në izolim. Mbi 5.5 milionë banorët e tij janë mbyllur në shtëpi.
Autoritetet kineze kanë zbuluar dy raste të infektimit me Omicron dhe ata i lidhin me Tianjinin dhe Anyangun. Nëse kjo hipotezë vërtetohet, do të ishte rasti i parë i përhapjes së brendshme dhe jo nga njerëzit që vijnë nga jashtë.
Me izolimin e Anyangut, numri i kinezëve të mbyllur në shtëpi shkon në shifrën e rreth 20 milionëve. 13 milionë janë të izoluar në qytetin Xian dhe 1.1 milionë në Yuzhou.
E-Diaspora
-
Vjenë
Vjenë: Kori Siparantum, edhe me një paraqitje në skenën prestigjioze Bëhet e ditur se kori Siparantum është shndërruar një prej përfaqësimeve më dinjitoze të Kosovës, përcjell...
-
“Deputetët nga këto shtete janë kundër anëtarësimit të Kosovës në KiE”
-
Gjenevë
Gjenevë: Ramë Dardania sjell ekspozitë më 14 qershor
-
Mentor Latifi është emëruar ambasador i ri i Kosovës në Zvicër
-
Spanjë: Vlerësohet shfaqja “Ëndrrat e Hamletit” e Mentor Zyberajt
Jeta në Austri
-
Vjenë
Vjenë: Kori Siparantum, edhe me një paraqitje në skenën prestigjioze Bëhet e ditur se kori Siparantum është shndërruar një prej përfaqësimeve më dinjitoze të Kosovës, përcjell...
-
Kandidatja për eurodeputete, Kati Schneeberger, hap në Vjenë ekspozitën “Rezistenca paqësore në Kosovë 1990-1998
-
A do të zhvendoset nga burgu austriaku Fritzl që u dënua me burgim të përjetshëm për dhunimin e të bijës?
-
Austri: Përmbledhje e lajmeve të fundit të ditës së sotme
-
Gjithçka që ndryshon në Austri nga muaji maj