Pritje deri në katër orë, kjo është gjendja nëpër pikat kufitare

Bëhet e ditur se mërgimtarët që ia kanë mësyrë Kosovës për festat e fundvitit po përballen me pritje tepër të gjata nëpër pikat kufitare, transmeton albinfo.ch.

Atyre po u bie të presin deri në katër orë për të hyrë në vend.

Sipas infografikës së publikuar nga Ministria e Punëve të Brendshme, pritjet më të gjata janë në pikën kufitare në Merdar.

240 minuta janë pritjet për hyrje në vend përmes kësaj pike kufitare. Kolona atje aktualisht është 400 metra. Te Dheu i Bardhë pritjet janë deri në një orë, në Jarinje 30 minuta, derisa në Mutivodë 10 deri në 15 minuta.

Ndërkohë, për të dalë nga vendi ju duhet të prisni më së shumti 15 minuta.