Çdo mërgimtar që vjen në Kosovë, pa vaksinë dhe pa test, do të duhet të karantinohet

Mërgimtarët mund të detyrohen të izolohen në Kosovë

Të gjithë mërgimtarët që vijnë në Kosovë do të duhet t’u përmbahen masave të ndërmarra së fundmi nga Qeveria, përcjell albinfo.ch.

Në një njoftim, Qendra për Menaxhim Kufitar bën të ditur se të gjithë shtetasve të Kosovës që hyjnë në Kosovë përmes pikave kufitare do t’u kërkohet certifikata e vaksinimit apo testi PCR negativ jo më i vjetër se 48 orë.

Nëse nuk kanë asnjërin prej këtyre dokumenteve, policia do të kërkojë karantimin e tyre 7-ditor.

Postimi i plotë:

Informatë shtesë lidhur me masat kundër COVID 19:

Të gjithë shtetasit e Republikës së Kosovës, që tentojnë të hyjnë në Republikën e Kosovës, përmes Pikave Kufitare, në rast të mungesës së certifikatës së vaksinimit, për t’ua mundësuar hyrjen, Policia do të kërkojë testin PCR negativ jo më të vjetër se 48 orë, apo të kërkojë karantinim për periudhë 7 ditore.

 

---